म्हाकूळांना ८ लहान आणि २ मोठे असे १० हात असतात. म्हणून त्यांना decapods म्हणजेच दशभुज असेही संबोधले जाते. हि octopus आणि शिंपल्यांच्या घराण्यातील प्रजाती आहे. ते उत्तम पोहू शकतात आणि काही म्हाकूळ पण पाण्याबाहेर सुद्धा थोड्या अंतरासाठी उड्या मारू शकतात.म्हाकूळ पोहोताना समुद्राचे पाणी त्यांच्या कवचाखालील पोकळीत भारतात आणि नंतर एक नळीवाटे जोरात बाहेर सोडतात आणि पुढे जातात. हि क्रिया ते २४ तास करतात, अगदी झोपलेले असताना सुद्धा ! म्हाकूळांना ३ हृदय असतात. जर त्यांच्यावर हल्ला झाला तर ते हल्ला करणाऱ्यावर गडद काळ्या रंगाची शाई सोडतात आणि पळून जातात. काही प्रजातीचे म्हाकूळ अंधारात चमकू सुद्धा शकतात. ते जीवदीप्ती निर्माण करणाऱ्या पेशींमुळे होते असे संशोधकांनी दाखवून दिले आहे. काही म्हाकूळांच्या शरीरात एक छोटे हाड असते. ते पुरातन रोमन तलवारीसारखे दिसते म्हणून त्याला ग्लॅडियस असे म्हणतात.म्हाकूळ हे स्पर्म व्हेल चे आवडते खाद्य आहे.