सगळ्या कोलंबीच्या प्रकारामध्ये टायगर प्रॉन हा सगळ्यात लोकप्रिय प्रकार आहे. ते अत्यंत चविष्ट समजले जातात. पण ते अत्यंत विनाशकारक अशा ट्रॉलिंग पद्धतीने पकडले जातात. हल्ली मत्य शेतीमध्ये सुद्धा टायगर प्रॉनचे उत्पादन केले जाते. त्यामुळे त्यांना खाण्याआधी कॅलेंडर बघण्याची आवश्यकता नाही असा समाज होऊ शकतो. परंतु ह्या मत्य शेतीमध्ये वाढविलेल्या टायगर प्रॉनना खाद्य म्हणून समुद्रात ट्रॉलिंग पद्धतीने पकडलेले स्वस्त दाराच्या माशांपासून बनविलेले खाद्य खायला घालतात. त्यामुळे समुद्राबाहेर वाढूनही त्यांचा समुद्रावर होणार विपरीत परिणाम मोठा आहे.